a Math 27:46; Mar 15:34
b Ayub 19:7
c 2Ath 19:22; Thaam 15:2
d 1Maũ 5:20; Isa 49:23
e Thab 31:11; Math 16:21
f Math 27:39, 44; Mar 15:29
g Thab 91:4; Math 27:43
h Thab 71:6; Nahu 1:7
i Isa 46:3
j Thab 68:30; Ezek 27:6
l Zef 3:3; Kĩam 49:9
m Dan 5:6; Mik 1:4
n Joh 19:28; Thab 104:29
o Isa 53:5; Zek 12:10
p Luk 23:35; Mik 7:8
q Joh 19:24; Alaw 16:8
r Thab 35:17; Afil 3:2
s Ahib 2:12
t Thab 102:17; Ahib 5:7
u Thab 35:18; Ndar 30:2
v Thab 2:8; Dan 7:27
w Zek 14:9
x Thab 45:12; Zek 14:16
y Thab 78:6; Luk 18:31

Psalms 22

Ruo Rũnene na Rwĩmbo rwa Kũgooca

Thaburi ya Daudi

1 aNgai wakwa, Ngai wakwa, ũndiganĩirie nĩkĩ?
Ũndaihĩrĩirie ũguo nĩkĩ, ũkaaga kũũhonokia,
ũkaraihĩrĩria ciugo cia mũcaayo wakwa?
 2 bWee Ngai wakwa, ngũkayagĩra mũthenya, no ndũnjĩtĩkaga,
ngũkayagĩra ũtukũ, na ndingĩkira.
3 cNo rĩrĩ, Wee ũrĩ Mũtheru, Wee ũikarĩire gĩtĩ kĩa ũnene;
Wee nĩwe ũgoocagwo nĩ Isiraeli.
 4Maithe maitũ nĩwe meehokaga;
maakwĩhokire nawe ũkĩmahonokia.
 5 dMaagũkaĩire nao makĩhonokio;
maakwĩhokire na matiigana gũconorithio.
6 eNo niĩ nduĩkĩte o ta kĩgunyũ, no ti ta mũndũ,
nganyararwo nĩ andũ na ngamenwo nĩ kĩrĩndĩ.
 7 fAndũ arĩa othe maanyonaga nĩmanyũrũragia;
makaanuma makĩinainagia mĩtwe, makoiga atĩrĩ:
 8 g“Ehokaga Jehova; Jehova nĩakĩmũhatũre.
Nĩakĩmũteithũre, nĩgũkorwo nĩakenagio nĩwe.”
9 hNo rĩrĩ, Wee nĩwe wandutire nda ya maitũ;
watũmire ngwĩhoke ndĩ o nyondo-inĩ cia maitũ.
 10 iKuuma ndaaciarwo ndaikirio o harĩwe;
kuuma ndoima nda ya maitũ ũkoretwo ũrĩ Mũrungu wakwa.
 11Ndũkandaihĩrĩrie,
nĩgũkorwo thĩĩna ũrĩ o hakuhĩ,
na gũtirĩ mũndũ o na ũmwe wa kũndeithia.
12 jNdegwa nyingĩ nĩindigicĩirie;
thiũrũrũkĩirio nĩ ndegwa irĩ hinya cia Bashani. ▼
▼Bashani kwarĩ mwena wa gathigathini-irathĩro wa Palestina; nĩ kwoĩkaine nĩ ũndũ wa ndegwa ciakuo cia hinya na ngʼombe noru.

 13 lMĩrũũthi ĩkũrarama, ĩgĩtambuuranga kĩrĩa ĩgwatĩtie,
ĩnjathamĩirie tũnua twayo.
 14 mNjitĩtwo thĩ ta maaĩ,
namo mahĩndĩ makwa mothe nĩmarekanĩtie.
Ngoro yakwa yororoete ta mũhũra;
ĩtwekete ĩrĩ thĩinĩ wakwa.
 15 nHinya wakwa ũniarĩte ta rũgĩo,
naruo rũrĩmĩ rwakwa rũkanyiitana na karakara nĩkũngʼara;
ũngometie rũkũngũ-inĩ rwa gĩkuũ.
 16 oNdĩĩmũrigiicĩrie nĩ magui;
ndĩĩmũthiũrũrũkĩrie nĩ gĩkundi kĩa andũ arĩa meekaga ũũru,
nĩmatheecangĩte moko na magũrũ makwa.
 17 pMahĩndĩ makwa no hote kũmatara mothe;
andũ marandora na makangũũrĩra maitho.
 18 qMaragayana nguo ciakwa,
nayo kanjũ yakwa makamĩcuukĩra mĩtĩ.
19No rĩrĩ, Wee Jehova, ndũkandaihĩrĩrie mũno;
Wee Hinya wakwa, hiũha ũũke ũndeithie.
 20 rTeithũra muoyo wakwa kuuma harĩ rũhiũ rwa njora,
ũteithũre muoyo wakwa wa goro harĩ hinya wa magui.
 21Thara kuuma kanua-inĩ ka mĩrũũthi;
honokia kuuma hĩa-inĩ cia mbogo.
22 sNĩngumbũra rĩĩtwa rĩaku kũrĩ ariũ a baba;
ndĩrĩkũgoocaga ndĩ kĩũngano-inĩ.
 23Inyuĩ andũ aya mwĩtigĩrĩte Jehova, mũgoocei!
Inyuothe a njiaro cia Jakubu, mũkumiei,
inyuĩ a njiaro cia Isiraeli, mũtĩĩei.
 24 tNĩgũkorwo we ndaamenire
kana akĩnyarara gũthĩĩnĩka kwa ũrĩa mũnyamarĩku;
ndaahithire ũthiũ wake kuuma kũrĩ we,
no nĩathikĩrĩirie kĩrĩro gĩake.
25 uGĩtũmi kĩa ngũgooce ũrĩa ngũgoocaga ndĩ kĩũngano-inĩ kĩnene kiumĩte harĩwe;
niĩ nĩndĩrĩhingagia mĩĩhĩtwa yakwa ndĩ mbere ya arĩa magwĩtigĩrĩte.
 26Andũ arĩa athĩĩni marĩrĩĩaga na makahũũna,
arĩa marongoragia Jehova, nĩmarĩmũgoocaga;
ngoro cianyu irotũũra nginya tene.
 27 vAndũ arĩa othe matũũraga ituri ciothe cia thĩ
nĩmakaririkana na macookerere Jehova,
andũ a nyũmba ciothe cia ndũrĩrĩ
nĩmakainamĩrĩra mbere yake,
 28 wnĩgũkorwo ũthamaki nĩ wa Jehova,
na nĩwe wathaga ndũrĩrĩ ciothe.
29 xAndũ arĩa othe atongu a thĩ makaarĩa na mamũhooe;
arĩa othe makuuaga magathikwo nĩmagaturia ndu mbere yake,
o acio matangĩhota gwĩtũũria muoyo.
 30Ciana nĩikamũtungatĩra;
nacio nĩikaahe njiarwa iria igooka ũhoro wa Mwathani.
 31 yAcio nĩmakahunjia ũthingu wake
kũrĩ andũ arĩa magaaciarwo,
nĩgũkorwo nĩwe wĩkĩte ũguo.
Copyright information for KikGKY